ಪೀಠಿಕೆ:ಇತ್ತೀಚಿಗೆ “ಮನೆಯಲ್ಲೇ ಕುಳಿತು ಡೇಟಾ ಎಂಟ್ರಿ ಮಾಡಿ ಹಣ ಗಳಿಸಿ “ಎಂಬ ಜಾಹೀರಾತುಗಳು ತುಂಬಾ ಕಾಣಿಸುತ್ತಿವೆ. ಆದರೆ ಇದರ ಜೊತೆಗೆ ಮೋಸವೂ ಸಹ ಹೆಚ್ಚಾಗಿದೆ. ಡೇಟಾ ಎಂಟ್ರಿ ಕೆಲಸ ನಿಜಕ್ಕೂ ಇದೆ. ಆದ್ದರಿಂದ ಕೆಲಸ ಶುರು ಮಾಡುವ ಮೊದಲು ನಿಜ ಮತ್ತು ಸುಳ್ಳನ್ನು ತಿಳಿದುಕೊಂಡರೆ ನಿಮ್ಮ ಸಮಯವೂ ಮತ್ತು ಹಣವೂ ಉಳಿಯುತ್ತದೆ.
11.ಡೇಟಾ ಎಂಟ್ರಿ ಎಂದರೇನು? ಕಂಪನಿ ಕೊಡುವ ಮಾಹಿತಿಯನ್ನು ಸರಿಯಾಗಿ ಟೈಪ್ ಮಾಡಿ ಪಟ್ಟಿ /ಫಾರ್ಮ್ ನಲ್ಲಿ ದಾಖಲಿಸುವ ಕೆಲಸವನ್ನು ಡೇಟಾ ಎಂಟ್ರಿ ಎಂದು ಕರೆಯುತ್ತಾರೆ.ಉದಾಹರಣೆ: 1)ಹೆಸರು, ವಿಳಾಸ, ದೂರವಾಣಿ ಸಂಖ್ಯಾಗಳನ್ನು ಪಟ್ಟಿಯಲ್ಲಿ ಬರೆಯುವುದು. 2)ಬಿಲ್ /ರಸೀದಿ ವಿವರಗಳನ್ನು ದಾಖಳಿಸುವುದು. 3)ದಾಖಲೆಗಳಿಂದ ಮಾಹಿತಿ ತೆಗೆದು ಸರಿಯಾಗಿ ಸೇರಿಸುವುದು. 4)ತಪ್ಪುಗಳನ್ನು ಸರಿಪಡಿಸಿ ಪಟ್ಟಿ ಸರಿ ಮಾಡುವುದು. ತಪ್ಪಿಲ್ಲದಂತೆ ಬರೆಯುವ ಅಭ್ಯಾಸ ಮತ್ತು ಗಮನಹರಿಸಿ ಕೆಲಸ ಮಾಡಬೇಕು
2.ನಿಜವಾದ ಡೇಟಾ ಎಂಟ್ರಿ ಕೆಲಸದ ಲಕ್ಷಣಗಳು : 1) ಕೆಲಸದ ವಿವರಣೆ ಸ್ಪಷ್ಟವಾಗಿರುತ್ತದೆ. ಅಂದರೆ ಏನು ಬರೆಯಬೇಕು, ಎಷ್ಟು ಬರೆಯಬೇಕು, ಎಷ್ಟು ಸಮಯ ಮತ್ತು ಯಾವ ರೀತಿಯ ಡೇಟಾ ಬಗ್ಗೆ ಸ್ಪಷ್ಟತೆ ಇರುತ್ತದೆ. 2)ಪಾವತಿ ವಿಧಾನ/ದಿನಾಂಕ ತಿಳಿಸಿರುತ್ತಾರೆ. 3)ಕಂಪನಿಯ ಇಮೇಲ್ ಅಥವಾ ಜಾಲತಾಣ ಇರುತ್ತದೆ. 4)ಮುಂಗಡ ಹಣ ಕೊಡಿ ಎಂಬ ಮಾತು ಇರುವುದಿಲ್ಲ. ಒಟ್ಟಿನಲ್ಲಿ ನಿಜವಾದ ಕೆಲಸದಲ್ಲಿ ಎಲ್ಲವೂ ಸ್ಪಷ್ಟವಾಗಿರುತ್ತದೆ.
3.ಮೋಸ ಗುರುತಿಸುವ 10 ಲಕ್ಷಣಗಳು (ಇವು ಕಂಡರೆ ದೂರವಿರಿ): 1)ನೋಂದಣಿ ಶುಲ್ಕ, ಗುರುತಿನ ಚೀಟಿ ಶುಲ್ಕ ಮತ್ತು ತರಬೇತಿ ಶುಲ್ಕ ಕೇಳುವುದು. 2)“ದಿನಕ್ಕೆ ₹5,000 -₹10,000 ಖಂಡಿತ ಎಂಬ ಅತಿಯಾದ ಭರವಸೆ ಕೊಡುವುದು. 3)ಕೆಲಸದ ವಿವರಣೆ ಇಲ್ಲದೆ “ಹೆಸರು, ಸಂಖ್ಯೆ ಕಳುಹಿಸಿ “ಅಷ್ಟೇ ಎನ್ನುವುದು. 4)ಕೇವಲ ವಾಟ್ಸಪ್ಪ್ /ಟೆಲಿಗ್ರಾಮ್ ಮೂಲಕ ಮಾತ್ರ ಮಾತನಾಡುವುದು. 5)“ಇಂದೇ ಸೇರಿ “ಎಂದು ಒತ್ತಡ ಹಾಕುವುದು. 6)”ಮೊದಲು ಹಣ ಕೊಡಿ, ನಂತರ ಕೆಲಸ”ಎನ್ನುವುದು. 7)ಪಾವತಿ ನಿಯಮ ಬರವಣಿಗೆಯಲ್ಲಿ ಕೊಡದೇ ಮಾತಿನಲ್ಲಿ ಮಾತ್ರ ಹೇಳುವುದು. 8)ನಕಲಿ ಸಾಕ್ಷಚಿತ್ರ /ಸ್ಕ್ರೀನ್ ಶಾರ್ಟ್ ಮಾತ್ರ ತೋರಿಸುವುದು. 9) ಆಸ್ಪಷ್ಟ ವ್ಯಕ್ತಿಯ ಖಾತೆಗೆ ಹಣ ಹಾಕಿಸಲು ಹೇಳುವುದು. 10)ಒಟಿಪಿ(OTP), ಯುಪಿಐ (UPI)ಗುಪ್ತಸಂಖ್ಯಮತ್ತು ಬ್ಯಾಂಕ್ ಗುಪ್ತ ಮಾಹಿತಿ ಕೇಳುವುದು. ಮುಖ್ಯ ಎಚ್ಚರಿಕೆ ಈ ರೀತಿ ಕೇಳಿದರೆ ಅದು ಖಂಡಿತ ಮೋಸ ಎಂದು ತಿಳಿದುಕೊಳ್ಳಬೇಕು.
4.ಸುರಕ್ಷಿತವಾಗಿ ಆರಂಭಿಸಲು 7 ಸರಳ ಹಂತಗಳು:(1)ದಿನಕ್ಕೆ 15 ನಿಮಿಷ ಟೈಪಿಂಗ್ ಅಭ್ಯಾಸ ಮಾಡಿ. (2)ಪಟ್ಟಿಯಲ್ಲಿ ಕೆಲಸ ಮಾಡುವ ಮೂಲಭೂತ ಜ್ಞಾನ (ಪಟ್ಟಿ ವಿಂಗಡಣೆ, ಸರಿಪಡಿಕೆ) ಕಲಿಯಿರಿ. (3)ಒಂದು ಪುಟದ ಪರಿಚಯ ಪತ್ರ ತಯಾರಿಸಿ. (4)ಒಂದು ನೀವೇ ಮಾಡಿದ ಮಾದರಿ ಪಟ್ಟಿ ತಯಾರಿಸಿ. ಇದು ನಿಮ್ಮ ಸಾಕ್ಸಿ ಕೆಲಸ. (5)ಕೆಲಸ ಕೊಡುವವರ ಕಂಪನಿ ಹೆಸರು/ಜಾಲತಾಣ/ಇಮೇಲ್ ಪರಿಶೀಲಿಸಿ. (6)ಯಾವುದೇ ಶುಲ್ಕ /ಮುಂಗಡ ಹಣ ಕೊಡುವುದನ್ನು ತಪ್ಪಿಸಿ. (7)ಪಾವತಿ ನಿಯಮ ಸ್ಪಷ್ಟವಾಗದೇ ಕೆಲಸ ಶುರು ಮಾಡಬೇಡಿ. ಇವುಗಳನ್ನು ಪಾಲಿಸಿದರೆ ಮೋಸಕ್ಕೆ ಬೀಳುವ ಸಾಧ್ಯತೆ ಬಹಳ ಕಡಿಮೆ ಇರುತ್ತದೆ.
5.ಡೇಟಾ ಎಂಟ್ರಿ ಸಿಗದೇ ಇದ್ದರೆ ಈ ಸುರಕ್ಷಿತ ಆಯ್ಕೆಗಳು : ಡೇಟಾ ಎಂಟ್ರಿ ಕೆಲಸ ಸಿಗದೇ ಇದ್ದರೂ ಮನೆಯಲ್ಲೇ ಆರಂಭಸಬಹುದಾದ ಕೆಲವು ಕೆಲಸಗಳು : (1)ಕಚೇರಿ ಸಹಾಯಕ ಕೆಲಸ (ಇಮೇಲ್ ಉತ್ತರ, ಸಮಯ ನಿಗದಿ, ಪಟ್ಟಿ ಸರಿ ಮಾಡುವುದು. (2)ಪಟ್ಟಿಯಲ್ಲಿ ಮಾಹಿತಿ ಸರಿಪಡಿಸುವ ಕೆಲಸ (ಹಳೆಯ ಪಟ್ಟಿಯನ್ನು ಸ್ವಚ್ಛ ಮಾಡುವುದು.) (3)ಬ್ಲಾಗ್ /ವೆಬ್ಸೈಟ್ ನಲ್ಲಿ ಲೇಖನ ಹಾಕುವ ಕೆಲಸ (ಬರಹ ಅಳವಡಿಸುವುದು.) (4)ಧ್ವನಿ ಕೇಳಿ ಬರೆಯುವ ಕೆಲಸ (ಮೂಲಭೂತ ಮಟ್ಟದಲ್ಲಿ ) ಇವುಗಳಲ್ಲಿ ಕೌಶಲ್ಯ ಹೆಚ್ಚಿದಂತೆ ಉತ್ತಮ ಅವಕಾಶಗಳು ಬರುತ್ತವೆ.
6.ಸಾಮಾನ್ಯ ಪ್ರಶ್ನೆಗಳು : ಪ್ರಶ್ನೆ 1:ಡೇಟಾ ಎಂಟ್ರಿಯಿಂದ ಎಷ್ಟು ಹಣ ಬರಬಹುದು? ಉತ್ತರ:ನಿಮ್ಮ ಕೌಶಲ್ಯ, ಸಮಯ ಮತ್ತು ಕೆಲಸದ ಪ್ರಮಾದದ ಮೇಲೆ ಮೊದಲಲ್ಲಿ ಕಡಿಮೆ ಇರಬಹುದು. ನಿರಂತರ ಅಭ್ಯಾಸದಿಂದ ಉತ್ತಮವಾಗುತ್ತದೆ. ಪ್ರಶ್ನೆ 2:ಅನುಭವವಿಲ್ಲದೇ ಕೆಲಸ ಸಿಗುತ್ತಾ? ಉತ್ತರ:ಸಿಗಬಹುದು. ಆದರೆ ಮೋಸ ಹೆಚ್ಚು. “ಮಾದರಿ ಕೆಲಸ ಸ್ಪಷ್ಟ ನಿಯಮ”ಇರುವ ಅವಕಾಶಗಳ್ಳನ್ನೇ ಆರಿಸಿ. (3)ಮುಂಗಡ ಹಣ ಕೊಟ್ಟರೆ ಕೆಲಸ ಖಚಿತವೇ? ಉತ್ತರ:ಸಾಮಾನ್ಯವಾಗಿ ಇಲ್ಲಾ. ಮುಂಗಡ ಹಣ ಕೇಳುವುದು ಮೋಸದ ಲಕ್ಷಣವಾಗಿರಬಹುದು.
ಉಪಸಂಹಾರ: ಡೇಟಾ ಎಂಟ್ರಿ ಕೆಲಸ ನಿಜವಾಗಲೂ ಇದೆ. ಆದರೆ ಸುಲಭ ಹಣದ ಭರವಸೆ ಕೊಟ್ಟು ಮೋಸ ಮಾಡುವವರು ಕೂಡ ಹೆಚ್ಚು.ಶುಲ್ಕ ಕೇಳಿದರೆ ದೂರವಿರಿ.ಕಂಪನಿ ವಿವರಗಳನ್ನು ಪರಿಶೀಲಿಸಿ ಮತ್ತು ನಿಮ್ಮ ಕೌಶಲ್ಯವನ್ನು ನಿಧಾನವಾಗಿ ಬೆಳೆಸಿ. ನೀವು ಜಾಗೃತೆಯಿಂದ ನಡೆದುಕೊಂಡರೆ ಮನೆಯಲ್ಲೇ ಸುರಕ್ಷಿತವಾಗಿ ಕೆಲಸ ಮಾಡುವ ಅವಕಾಶಗಳು ಸಿಗುತ್ತವೆ.
“ಈ ಮಾಹಿತಿ ನಿಮಗೆ ಇಷ್ಟವಾದ್ರೆ ಶೇರ್ ಮಾಡಿ, ನಿಮ್ಮ ಅಭಿಪ್ರಾಯವನ್ನು ಕಾಮೆಂಟ್ಸ್ನಲ್ಲಿ ತಿಳಿಸಿ. ಧನ್ಯವಾದಗಳು.”